(قطرالخلايق)اشعار ياسر عبد الحميد
قطر الخلايق
ــــــــــــــــ
أشعار / ياسر عبد الحميد
ــــــــــــــــــــــــــــــــــــــــــــ
واقف في ساحة الإنتظار
الوش مليان عفار ،،
و بلهفة المشتاق
محتاج تاخد،، قرار
كل السنين فتحت فصولها الأربعة
علي امنيات متشوقة
و الذكريات متفرقة
خرجت ما بينهم شرنقة
متشوقة . لنور النهار
عدا القطار ،،
يصرخ قضيبه من العجل
و المحتمل
جارر معاه سنين الزمن
فئات كتير ملهاش تمن
و مسطحين فوقه المحن
أما الهوا ،،
بيلفح وشوش المجروحين
يادي الحنين ،،
يادي الظروف المؤلمة
أوجاع كتير متقسمة
كل الاماني متشعبطة متألمة
و الخلق بتداري الوجع بالزيف
الكل عدا الوجع برغم أنه ضعيف
ووشوش كتير متبسمة
و الصرخة جواهم ،،صبحت تمتمة
و انت الغريب ،، بشعور كئيب
تايه في وسط الملحمة
حارت عيون الخلايق و الدمع لم بيجف
ما صدقوش الحقايق ،،الكل دار للخلف
قالوا الكلام محقوق و القطر بيه زاحف
فينا اللي عاش ساحف
و التاني مات في الصف
. ـــــــــــــــــــــــــــــــــــــــــــــــــــــــــ
تعليقات
إرسال تعليق