(الكلمة كيان) اشعار ياسر عبد الحميد
الكَلمة،، كَيان
___________
اشعار / ياسر عبد الحميد
__________________
للكلمة مواقف و طرائف
الكلمة مواعظ للعارف
و الحرف الساكن مش خايف
و حروف الجر،، بتتعارف
الكلمة كيان،، أو ظرف مكان
للكلمةميدان،، بين الأوطان
و بتعلن فيه،، إنك، إنسان
الكلمة للي ما يعرفهاش،،
انسان حاير،، ومالوش عنوان
َالكَلمة سلاح،، و سَماحة
احيانا،، تُصبح،، جَراحة
الكلمة تَمنعُنا،، مَخَاطر
و لجَبر الخَاطر،، رواحة
بيحط الكلمة علي الكلمة
و يدور علي اصل المعني
يمسك في ضمير المتكلم
و يقول افكار بيها تعلم
و ضمير الغائب يسمعها
يرجع في الحال تاني يسلم
عصفور في مهده ،، ابتدي
شاف الفضا،، راح،، طار
ُكسر حدود المبتدي
لما لقي له،، نهار
و انت السجين بين الحروف
مكسور حزين،، عايش في خوف
لكن بكلمة،، قادر،، تطوف
و بتمشي ميت،، مشوار
برئ معاه، مظلمة،،
حبسوا الكلام في عنيه
شاف الحياه مُظلِمة،
الجاي ح يكون،، إيه
صرخ بعزم ما فيه،،
مين فيكو،، علمني
لو حد فهمني،،
أنا كنت أرد،،، عليه
______________________
تعليقات
إرسال تعليق